Vårkonsertar i Halsnøy samfunnshus fredag 23.mai kl. 18.00 og 20.00
Vårkonsert i Rosendal samfunnshus laurdag 24.mai kl. 18.00

Me kalla konsertprogrammet for "frå musikalscenen" og repertoaret var då også samansett av songar
frå ikkje mindre enn 7 ulike musikalar: The Sound of Music, Spelemann på Taket,
West Side Story, The Phantom of the Opera, Les Miserables, Chess og We will rock you.
Oddgeir Røssland var gjestemusikar på sologitar. Silje Dyrseth Eide framførte eit poetisk dansenummer til Endgame.
Wenche Tofte tok ansvar for øvingar med borna og det dei trong i deira framføringar begge stader.
Hanne Sissel og  Annvor tok denne gongen hovudansvaret for scene og sal og hadde kontakten med Ingeborg Kvamme som hjalp oss med kostymer og scenografi. Synnøve tok leiaransvaret for pyntinga i foajeen.
Arne Gjerde var konferansier både på Halsnøy og i Rosendal.

Kyrkjekonsertar søndag 16.november, i Eid kyrkje kl. 16.00 og i Kvinnherad kyrkje i Rosendal kl. 19.30.

Programmet var ein miks av gosplar, viser og songar til ettertanke og klassisk, høgtidsstemt kyrkjemusikk. Knut Egil Benjaminson var gjestepianist der han samarbeidde med Hallgeir på orgel.  Ronny tok som vanleg hovudansvaret for lydrigginga og denne gongen var jobben meir omfattande enn vanleg med transport av utstyr og rigging i to ulike kyrkjer same kvelden. Arne Hauge presenterte songane og batt programmet saman frå songarplass i koret.

Julekonsertar i Halsnøy samfunnshus fredag 12.desember kl.18.30 og 20.00

Den tradisjonelle julekonserten kalla me denne gongen for O’jul med din glede. Vi hadde med oss eit jentekor beståande av Benedicte Johnsen, Frida Øvrevik Farestad, Vanessa Øvrevik, Emma Strand Landa, Elina Eide Hvidevold, Vilde Kviteberg Emmerhoff, Ovidie Dyrseth Eide og Ingeborg Tofte Grønseth. Margrethe Thuestad og Herborg Irgens Sjo hadde eit musikalsk innslag med fløytespel (Julen er her) undervegs i konserten. Silje Dyrseth Eide las «Den vesle bygda som gløymde at det var jul» av Alf Prøysen og Bjørg Brækhus presenterte songane og batt programmet saman frå songarplassen sin i koret. Marius Sjo var vikar for Rhune på slagverk. Serine Johnsen tok denne gongen leiaransvaret for at scene, sal og foaje vart pynta til fest.